Stendur jarðhitinn í stjórnkerfinu? - Vorfundur JHFÍ þriðjudaginn 12. apríl

5.4.2011 Gústaf Skúlason Vorfundur Jarðhitafélags Íslands verður haldinn þriðjudaginn 12. apríl undir yfirskriftinni Stendur jarðhitinn í stjórnkerfinu? Er þar m.a. vísað til vinnu við mótun heildstæðrar orkustefnu og rammaáætlunar, auk umræðna um auðlindanýtingu, eignarhald, sjálfbærni o.fl. Katrín Júlíusdóttir iðnaðarráðherra ávarpar fundinn og erindi flytja þau Kristín Haraldsdóttir forstöðumaður Auðlindaréttarstofnunar HR og Júlíus J. Jónsson forstjóri HS Orku. Gunnar Tryggvason úr stýrihóp um mótun heildstæðrar orkustefnu og Svanfríður Jónasdóttir formaður verkefnisstjórnar rammaáætlunar taka þátt í pallborðsumræðum. Fundarstjóri verður Ragna Karlsdóttir hjá ÍSOR. Fundurinn verður haldinn í húsakynnum Orkuveitu Reykjavíkur að Bæjarhálsi 1 og hefst kl. 14:00. Fundurinn er öllum opinn og aðgangur er ókeypis. Dagskrá fundarins má nálgast hér.