Jarðhitafélagið auglýsir styrki til doktorsnema

9.6.2010 Gústaf Skúlason


Styrkur til að sækja alþjóðlega jarðhitaráðstefnu

umsóknarfrestur til 16. ágúst

Stjórn Jarðhitafélags Íslands hefur ákveðið að veita íslenskum háskólanemum í doktorsnámi, í fagi tengdu jarðhita, styrk til að sækja alþjóðlega  jarðhitaráðstefnu. Sem dæmi má nefna hinar árlegu ráðstefnur Geothermal Resources Council og Stanford Geothermal Workshop í Bandaríkjunum.

Auglýst verður árlega eftir umsóknum og styrkur veittur einum háskólanema á ári næstu þrjú ár, frá og með árinu 2010. Hver styrkur nemur allt að kr. 350.000 og er til að greiða ferða- og uppihaldskostnað ásamt ráðstefnugjöldum. Stjórn félagsins mun velja styrkþega úr hópi umsækjenda.

Umsóknum um styrkinn fyrir árið 2010 ber að skila til Gústafs Adolfs Skúlasonar, ritara stjórnar Jarðhitafélagsins, í netfangið gustaf@samorka.is (eða með pósti til Gústafs á skrifstofu Samorku, merkt v. Jarðhitafélags Íslands, Suðurlandsbraut 48, 108 Reykjavík), eigi síðar en mánudaginn 16. ágúst 2010. Umsóknum fylgi upplýsingar um námsferil, efni og stöðu doktorsverkefnis, starfsreynslu tengda jarðhitarannsóknum eða -nýtingu ef við á, og um þá ráðstefnu sem viðkomandi hyggst sækja.


Stjórn Jarðhitafélags Íslands.